Kërkohej prej 10 vitesh/ Si ra në pranga trafikanti shqiptar “El Gordo”, 'e pësoi' pasi i dërgoi foto agjentes së infiltruar kolumbiane

SPANJË- Oficerët e inteligjencës nga të paktën katër vende kanë qenë në kërkim prej gati 10 vitesh, të drejtuesit të një organizate shqiptare të dedikuar për rishitjen e kokainës, heroinës dhe drogave të tjera në rajonin e Lionit të Francës. Ky person vendosi në vitin 2021 të transferohej në Kolumbi për të krijuar aleanca me kartelet që veprojnë në vend. Ai u vendos në një lagje të njohur të Santa Martas dhe qëndroi atje për dy vjet pa u zbuluar, por një seri fotosh dërguar grave ishin çelësi për gjetjen e vendndodhjes së tij. Bëhet fjalë për shqiptarin Besnik Gjergji Nikolli, alias Niko ose “el Gordo”, (i dhjamosuri), i kërkuar për llogari të Francës nga Interpoli për krimet e trafikut të drogës dhe pastrimit të parave. Niko, sipas hetimeve së inteligjencës, kishte lidhje me strukturat e trafikut të drogës në Shqipëri, Holandë dhe Gjermani, të cilët ishin partnerë të tij në Evropë dhe ishin përgjegjës për marrjen e drogës. Sipas autoriteteve, shqiptari rrallëherë dilte nga banesa e tij në një apartament modest të shtresës 3 në lagjen San Pablo të Santa Martës, ku organizonte festa me gra të punësuara. Kapoja mbeti i fshehur në një lagje të njohur të Santa Martës. Pak kohë më vonë, ai filloi t’i dërgonte foto agjentes së infiltruar të zakoneve, udhëtimeve dhe pasurive të tij. “Një nga ato imazhe kishte vendndodhjen gjeografike në metadata. Që nga ai moment filloi detyra për të gjetur vendndodhjen e saktë për kapjen e tij”, tha hetuesi.Kapja ndodhi fundjavën e kaluar në Santa Marta (Magdalena), pas një operacioni të udhëhequr nga gjeneral brigade José Luis Ramírez Hinestroza, drejtor i Dijín, në bashkëpunim me Zyrën Franceze Kundër Drogës dhe mbështetjen e Forcave Kolumbiane të Hapësirës Ajrore./Dosja.al