Gjykata e Posaçme lë në burg të arrestuarit e Shkodrës, avokati Ylli Manjani: SPAK u tregua i papjekur, nuk ka asnjë provë!

Gjashtë të arrestuarit e operacionit të SPAK në Shkodër, janë lënë në burg nga Gjykata e Posaçme. Ata janë persona nën hetim, pasi autoritetet në Francë kanë sjell indicje se gjashtë të arrestuarit si pjesë e një grupi kriminal kanë marrë pjesë në disa ngjarje kriminale.

  1. Xhevahir Lita, prokuror i Shkodrës – Arrest në burg
  2. Asmer Bilali – Arrest në burg
  3. Pëllumb Gjoka – Arrest në burg
  4. Edmond Preka, ish-polic – Arrest në burg
  5. Ardit Hasanbega, ish-shef Krimesh – Arrest në burg
  6. Oltion Bistri, ish-shef i Operacionales – Arrest në burg

Këta shtetas janë pjesë e një grupi prej 15 personash për të cilët Prokuroria e Posaçme ka lëshuar urdhër-arreste, si të përfshirë në ngjarje të rënda kriminale, në bashkëpunim me zyrtarë të shtetit shqiptarë.

Në burg janë lënë dhe dy shtetas që u arrestuan pa lidhje me operacionin. Për ta nuk kishte ndonjë urdhër ndalimi, por gjatë kontrolleve atyre u janë gjetur armë zjarri, të cilat i posedonin pa leje.

  1. Sabjan Troshani – Arrest në burg
  2. Nehat Fojleta – Arrest në burg

Ndërkohë, avokati Ylli Manjani ka thënë se asnjë prej personave të akuzuar nga SPAK nuk është i pandehur dhe për asnjë prej tyre nuk ka prova. Në cilësinë e avokatit mbrojtës të biznesmenit Pëllumb Gjoka, Manjani tha se ata hetimi ka nisur pas indicjeve nga Franca.

“Statusi legal dhe procedurial i zotit Gjoka dhe të gjithëve aty, asnjëri prej tyre nuk është i pandehur. Duke mos qenë të pandehur, nuk ka as akuza. Sipas ligjit shqiptar, personi lejohet të arrestohet edhe nëse nuk është nën hetim.

E gjithë kjo ka filluar mbi bazën e indicjeve policore. Nuk ka asnjë provë, që klienti im të jetë i implikuar. Të gjitha janë spekulime, Prokuroria ishte shumë e qartë. Flitet për persona nën hetim dhe indicje. Ka ardhur një letërporosi nga Franca. Nuk ka aparate (celularë) të kapura”, u shpreh Manjani.

Më tej, avokati mbrojtës tha se klienti i tij mohon të ketë përdorur aparatet celulare dhe të ketë bërë biseda për të eleminuar persona të caktuar, ashtu siç thuhet në raportet e fragmentarizuara që kanë dalë nga dosja e Prokurorisë së Posaçme.

“Do ju lutesha shumë të mos merren njerëz në qafë. Të gjitha janë spekulime. Prokuroria në pikëpamjen time, është treguar e papjekur me masë. Në vend që t’i linte, të kërkonte prova shtesë, por ky nxitim nuk i shërben Prokurorisë. U shërben futjes në sherr të njerëzve. Pëllumb Gjoka ka mohuar të jetë përdorues i këtyre aparateve dhe proanri i atyre fjalëve që thuhet se janë në atë komunikim”, përmbylli Ylli Manjani.

Comments

Post a Comment

Popular posts from this blog

"I dogji rrobat Almës dhe fshiu të gjitha bisedat"/ Gazetarja zbulon detaje nga tragjedia në Shkodër: Erdgysi i dërgoi një mesazh kunatës...

Image
Gazetarja Anila Hoxha ka zbuluar të tjera detaje nga ngjarja e rëndë që ndodhi disa ditë më parë në Shkodër, ku 39-vjeçarja Alma Arrazi u mbyt në lumin Buna bashkë me tre fëmijët e saj të mitur. Dyshohet se 39-vjeçarja e mori vendimin ekstrem, pasi kishte parë burrin e saj me një partnere tjetër. E ftuar në emisionin “Breaking” në Top News, gazetarja u shpreh se çifti nuk kihste një raport të mirë kohët e fundit. Sipas saj Alma Arrazi ishte larguar nga shtëpia dhe Erdgysi ia kishte djegur të gjitha rrobat. Hoxha më tej shprehet se Erdgysi kishte fshirë nga telefoni të gjitha bisedat që kishte patur me Almën gjatë muajit të fundit, dhe sa herë që dilte nga banesa, i bënte “bllok” në rrjetet sociale dhe telefon që të mos e shqetësonte. Gazetarja tha gjithashtu se Erdgysi i dërgoi një mesazh kunatës ku i shkruante pse nuk i tregoi se Alma e kishte parë me të dashurën. Hoxha shprehet më tej se pavarësisht keqkuptimeve të çiftit Alma shpresonte se do ja dilte të ruante familjen, por në mome
Read more

Historia e panjohur dhe tragjike e vrasjes me tank të dy shokëve nga Shkodra në 1983

Image
Publikohet historia e panjohur e ndodhur në qytetin e Shkodrës më 23 janar të vitit 1983, kur dy  të rinj, Fatmir Gusha dhe Sali Breshni, pasi kishin rrëmbyer tre armë automatike "Kallashnikov", dhe disa karikatorë, në një nga repartet që ndodhej në fshatin Shtoj, u nisën drejt qytetit të pashqetësuar nga njeri deri tek Dega Ushtarake, ku pasi u diktuan dhe u konfliktuan me një oficer, filluan të qëllonin në ajër  në shenjë presioni. Largimi i tyre, për të shkuar tek Dega e Brendëshme, u pikas nga forcat e policisë  dhe u detyruan të qëndronin tek një rrugicë pas Instituti Pedagogjik, "Luigj Gurakuqi", ku  hynë dhe u ngujuan tek shtëpia e familjes Hysej, ku u rrethuan nga forca të shumta të Policisë së Shkodrës dhe Divizonit Ushtarak, si dhe Forcave Speciale (Reparti 326) të ardhura nga Tirana. E gjitha ngjarja, sipas dëshmisë së rrallë të ish-Kryetarit të Degës së Punëve të Brendëshme të qytetit të Shkodrës, Përparim Xhoxhaj,  publikohet për herë të parë nga Memori
Read more

E trishtë, ndërron jetë në aksident Ildi Pajtoni

Image
Amarildo Pajtoni, apo Ildi siç e njihnin të gjithë, ka ndërruar jetë tragjikisht në një aksident rrugor. I riu, djali i sipërmarrësit Mentor Pajtoni dhe nipi i biznesmenit tjetër të suksesshëm Armando Pajtoni, raportohet se ka bërë aksident me motor. Newsbomb.al mëson se 27 vjeçari, i angazhuar në biznes si administrator i kompanive të familjes, por dhe drejtues i bizneseve të vogla që kishte inicuar vet, ka mbyllur sytë përgjithmonë dje, më 15 Korrik. Shokët e Ildi Pajtonit kanë reaguar zemërthyer në rrjetet sociale për ikjen e padrejtë dhe të parakohshme të të riut.  Burime ekskluzive për redaksinë, bëjnë me dije se aksidenti ka ndodhur rreth dy javë më parë dhe 27 vjeçari është dërguar me urgjencë në spital. Fatkeqësisht, pavarësisht kujdesit maksimal të mjekëve në Spitalin e Traumës, zemra e Ildit ka ndalur.
Read more