Të shtënat me armë zjarri në Tropojë, Policia zbardh ngjarjen: Dy të plagosur, kemi rrethuar zonën

Detaje të reja kanë dalë lidhur me ngjarjen e ndodhur mbrëmjen e sotme në Tropojë,  ku një konflikt për motive të dobëtam dergradoi deri në përdorimin e armës së zjarrit.

Përmes një njoftimi zyrtar Policia ka bërë me dije se rreth orës 20:10 në Bajram Curri, në oborrin e një lokali, dyshohet se pas një konflikti për motive të dobëta, shtetasi B. S., 49 vjeç, ka plagosur me armë zjarri pistoletë, në këmbë, shtetasin A. B.

Gjithashtu, si pasojë e të shtënave bëhet me dije se i plagosur aksidentalisht ka mbetur edhe një tjetër shtetas, i cili në momentin e ngjarjes po kalonte rrugën.

Policia ka shpallur në kërkim 49-vjeçarin , i cili dyshohet se është autori i ngjarjes dhe ka bërë rrethimin e zonës për të bërë të mundur kapjen e tij.

Njoftimi i plotë:

Tropojë/Informacion paraprak

Plagosi me armë zjarri 2 shtetas (njëri prej tyre kalimtar), pas një konflikti për motive të dobëta, identifikohet dhe shpallet në kërkim autori i dyshuar.

Shërbimet e Policisë kanë ngritur pika të shumta kontrolli për kapjen e tij.

Rreth orës 20:10, në Bajram Curri, në oborrin e një lokali, dyshohet se pas një konflikti për motive të dobëta, shtetasi B. S., 49 vjeç, ka plagosur me armë zjarri pistoletë, në këmbë, shtetasin A. B.

Si pasojë e të shtënave, është plagosur në këmbë dhe është jashtë rrezikut për jetën, edhe një kalimtar i rastit, shtetasi G. B.

Shërbimet e Policisë janë vënë në ndjekje të autorit, është rrethuar zona, si dhe vijojnë kontrollet në zonë dhe në ambiente të ndryshme, për të bërë të mundur kapjen e tij.

Grupi hetimor ndodhet në vendngjarje dhe ka sekuestruar kamerat e sigurisë dhe çdo provë tjetër që do t’i shërbejë dokumentimit të plotë të ngjarjes.

Vijon puna për zbardhjen e plotë të kësaj ngjarjeje.