Nga Rubin Dashi/ Gjendja e Universitetit "Luigj Gurakuqi," i dyti më i vjetër në Shqipëri, kërkon reagim urgjent
NGA RUBIN DASHI Gjendja e Universitetit "Luigj Gurakuqi," i dyti më i vjetër në Shqipëri, kërkon reagim urgjent. Problemet që kanë prekur këtë institucion nuk vijnë nga preferencat e studentëve, por nga keqqeverisja që ka bllokuar mundësitë e punësimit për të rinjtë. Tregu i punës është në një krizë të thellë, dhe arsimi po përkeqësohet çdo ditë për shkak të mungesës së kushteve dhe programeve mësimore cilësore. Për më tepër, mungesa e kontrollit në universitete ka çuar në korrupsion të përhapur, ku pedagogët kërkojnë 200-500 euro për një provim, ndërsa dekanët deri në 3-4 mijë euro për diploma. Kjo situatë është një reflektim i një sistemi të korruptuar dhe të papërgjegjshëm. Thënë kështu ,ka një nevojë imediate nga çdo student dhe çdo i ri për reagimin e menjëhershëm dhe kërkesën e llogarisë tek çdokush që ka kontribuar në degradimin e arsimit dhe punësimit,probleme të cilat kanë detyruar rininë shqiptare të emigrojë dhe të largohet nga vatra familjare.