Gazetari dhe analisti Ben Andoni thotë se kryeministri Edi Rama do të përpiqet të ndërtojë një qeveri teknokrate, me qëllimin e vetëm për të futur Shqipërinë në BE, por kjo është thikë me dy presa, pasi teknokratët tanë janë të bindur ndaj numrit një, dhe nuk është se marrin vendime të pavarura.
”Sot nuk ka PS, por ka parti të Ramës, nuk ka PD, por ka parti të Berishës. Ky i fundit nuk mund të mbajë gjithë barrën. Nuk mund të mbrojë një njeri i vetëm gjithë kauzat. Tabaku ishte ndër vetmet zëra kundër buxhetit, por nuk mjafton.
Raportet e KLSH-së duhet të marrin aksion penal jo vetëm raportues. Rama e fashit gjithçka brenda partisë. Edhe ato pak përpjekje të Braçes, bien në tokë në djerrë. Nuk ka mekanizma që të ngresh zërin. Por edhe në PD nuk mund të bësh kritika ndaj liderit. Statutet në dy partitë janë të fjetura”.
Comments
Post a Comment