“Shteti e ka dhënë Shkodrën me koncesion”, Artan Hoxha për atentatin me 2 të vdekur: Strukturat kriminale lidhje me pushtetin, marrin fonde publike

Një atentat me dy viktima dhe dy të plagosur ka tronditur sërish Shkodrën, duke rikthyer vëmendjen te prania e grupeve kriminale në qytet.

Gazetari Artan Hoxha, i ftuar në News24, deklaroi se “Shteti e ka dhënë Shkodrën me koncesion”, duke akuzuar lidhjet mes krimit të organizuar dhe pushtetit.

Sipas tij, grupet kriminale në Shkodër veprojnë prej viteve ’90 dhe disponojnë fonde më të mëdha se vetë Ministria e Brendshme. Hoxha theksoi se shumë ngjarje kriminale në Shkodër mbeten pa autorë dhe se krimi i organizuar po merr në dorë strukturat shoqërore.

Ai kërkoi ndërhyrje kombëtare për zbardhjen e këtyre ngjarjeve dhe ndalimin e ndikimit të krimit në politikë.