Posedonte mina me telekomandë për ngjarje kriminale/ Bien në pranga dy shkodranë

 

Posedonte në bashkëpunim me vëllanë e tij, 2 mina me telekomandë, të programuara për shpërthim në distancë, që dyshohet se do të përdoreshin për ngjarje të rënda kriminale, kapet dhe vihet në pranga 25-vjeçari.    

Vihet në pranga dhe një 28-vjeçar, që e ndihmonte 25-vjeçarin për t’u fshehur.

Sekuestrohen 1 automjet dhe 3 celularë. 

Shërbimet e Sektorit për Hetimin e Krimeve të Rënda, në bashkëpunim me Komisariatin e Policisë Nr. 3, në vijim të punës për kapjen e shtetasve në kërkim dhe vënien e tyre para përgjegjësisë penale, kanë organizuar dhe finalizuar operacionin policor të koduar “Together”.  

Gjatë operacionit u kapën në Selitë dhe u vunë në pranga shtetasit: 

JASER SHABAJ, 25 vjeç, banues në Shkodër, për të cilin Prokuroria ka lëshuar urdhër ndalimi për veprën penale “Mbajtja pa leje dhe prodhimi i armëve, armëve shpërthyese dhe municionit”. Ky shtetas ishte shpallur në kërkim në kuadër të operacionit të koduar “Brothers”, i zhvilluar në muajin janar 2024, pasi dyshohet se posedonte në bashkëpunim me vëllanë e tij (i arrestuar), 2 mina me telekomandë, të programuara për shpërthim në distancë, që dyshohet se do të përdoreshin për ngjarje të rënda kriminale;

GENTIAN HAXHIJA  28 vjeç, banues në Shkodër, pasi dyshohet se përkrahte shtetasin JASER SHABAJ, duke e ndihmuar të fshihej.   Materialet procedurale iu referuan Prokurorisë së Tiranës, për veprime të mëtejshme.