Dita Fushore e Misrit / Prezantohen 52 hibride, eventi mbledh fermerë e specialistë të zonës veriore

52 hibride të farës së misrit, janë prezantuar në Shkodër nga Qendra Shkencore e Transferimit të Teknologjive Bujqësore, në panairin e njohur si “Dita Fushore e Misrit”.

 Në aktivitet morën pjesë fermerë, agronomë dhe specialistë të kulturës së misrit nga i gjithë veriu i vendit.

Ky organizim i përvitshëm synon të njohë fermerët me llojet e reja të hibrideve dhe avantazhet që ato ofrojnë.

Sipas specialistëve, kërkesa e lartë për misër në rajon ka rritur ndjeshëm interesin e fermerëve për të shtuar sipërfaqet e mbjella me këtë kulturë.  

Përveç hibrideve të importuara, gjithnjë e më shumë po fitojnë vlerësim edhe varietetet autoktone, të cilat premtojnë prodhimtari më të lartë dhe përshtatje më të mirë me kushtet klimatike vendase.

Nga fermerët ne Shkodër, kultivimi i misrit po shihet gjithnjë dhe me më shumë interesë.

Aktualisht, qarku i Shkodrës renditet ndër zonat me prodhimtarinë më të lartë në vend, me mbi 5 mijë hektarë tokë të mbjellë me këtë kulturë.