Rritet nevoja për konsulta mjekësore / Në Poliklinikën e Specialiteteve çdo ditë, rreth 400 qytetarë kërkojnë ndihmë

Nisja e stinës së verës dhe rritja e temperaturave ka sjellë më shumë qytetarë që i drejtohen Polilinikës së Specialiteteve për konsulta.

Kjo rritje, sipas drejtorit të Poliklinikës në Shkodër, Egir Lezha, ka ardhur në masën 20-30%.

Për shkak të nevojës së shtuar, disa prej specialiteteve janë dubluar në mënyrë që të përballohet situata.

Çdo ditë, mesatarisht 400 qytetarë i drejtohen Poliklinikës në Shkodër për të kërkuar ndihmë mjeksore në një nga 21 specialitetet që ajo ofron për qarkun Shkodër.