Të enjten seanca plenare, Berisha zbulon hapat që do të ndërmarrë opozita

Sali Berisha ka zbuluar hapat që do të ndërmarrë opozita me rikthimin në seancat plenare pas zgjedhjeve të 11 majit, ku do të mblidhet ende Kuvendi aktual.

Në një konferencë për gazetarët, Berisha tha se në Parlament “do të denoncojmë me të gjithë forcën farsën elektorale të 11 majit”.

Kreu i PD theksoi se primare për PD është ajo që ata e cilësojnë si farsë elektorale dhe narkodiktatori që organizoi farsën.

“Opozita në Parlament do të denoncojnë me të gjithë forcën e saj, farsën elektorale të majit të vitit 2025. Tema qendrore është farsa elektorale dhe narkodiktatori që organizoi farsën, është e përqendruar totalisht në këto!“- tha Berisha.