Dhjetëra banorë të Kaçinarit, Arrëzit, Shtufit, Simonit dhe Shpërdhazës protestuan sot kundër ndërtimit të katër hidrocentraleve në Kaçinar të Mirditës. Ata kundërshtojnë projektin, duke argumentuar se marrja e ujit do ta dëmtojë rëndë jetesën në zonë.
Kompania “Shpërdhaza-Energji” ka nisur punimet për shtrimin e rrugës, e cila do t’i shërbejë më pas ndërtimit të HEC-eve, por banorët janë të vendosur ta ndalojnë këtë proces. “Pa ujë nuk ka jetë dhe nuk do të lejojmë që të na e marrin,” thanë ata gjatë protestës.
Në përfundim të tubimit, protestuesit vendosën të zhvillojnë një takim të martën me përfaqësues të bashkisë Mirditë dhe kompanisë ndërtuese. Banorët theksuan se kundërshtimi i tyre ndaj projektit ka nisur që para nëntë vitesh dhe se aktualisht çështja ndodhet edhe në gjykatë.
Comments
Post a Comment