Eni Llazani, është trajneri i ri i Vllaznisë në basket meshkuj
Një ditë pas publikimit të lajmit për dorëheqjen e trajnerit Damian Bekteshi nga drejtimi i skuadrës së basketbolllit për meshkuj, Klubi i Basketbollit Vllaznia ka dalur më një njoftim ku ka emëruar trajnerin e ri. Eni Llazani do të marrë drejtimin e kuqebluve të koshit
Një emër i njohur për tifozët shkodranë, Llazani është një ish-lojtar i spikatur i Vllaznisë dhe fitues i kampionatit kombëtar si pjesë e ekipit tonë.
Pas një karriere të gjatë dhe të suksesshme si lojtar, ai ka fituar përvojë të rëndësishme si trajner, duke drejtuar ekipin e Kamzës në vitet e fundit. Tani, Eni Llazani rikthehet në Shkodër për të udhëhequr skuadrën drejt objektivave të saj.
Në njoftim, KB Vllaznia shkruan se “besimi ynë tek përkushtimi, pasioni dhe vizioni i tij është i plotë, dhe jemi të sigurt që së bashku do të vazhdojmë të ndërtojmë traditën e lavdishme të Vllaznisë”
Comments
Post a Comment