Vijon aksioni për lirimin e hapësirave publike në Shkodër/ Aksioni sot u përqendrua në segmentet “Bulevardi Zogu I” dhe në rrugën “Daut Boriçi”

Aksioni i paralajmëruar për lirimin e hapësirave publike të zaptuara pa një leje përkatëse për shfrytëzim ka vijuar edhe ditën e sotme.

Aksioni sot u përqendrua në  segmentet “Bulevardi Zogu I” dhe në rrugën “Daut Boriçi” . 

Përkatësisht me lagjet Xhabije-Parrucë-Ura Dervish Beg. 

Policia Bashkiake e ndihmuar edhe nga policia e shtetit kanë pastruar trotuaret nga çdo objekt që pengonte qarkullimin e qytetarëve. Perveç subjekteve që nxjerrin produktet e tyre në trotuar, aksioni u përqendrua edhe tek karriget dhe mjetet e tjera me të cilën individë apo subjekte të ndryshme kanë bllokuar parkingjet prej kohësh. 

Në njoftimin e saj Bashkia Shkodër bëri të ditur se në aksionin e një dite më parë është vendosur 1 masë administrative me vlerë 10.000 lekë për hapësirat publike, 3 masa administrative 3.000 lekë për shkelje të rregullave të qarkullimit rrugor, si dhe janë lënë 4 akt-kontrolle për shfrytëzim hapësire publike.

Ndërkohë nga Zyra me 1 Ndalesë pranë Bashkisë informohet se aplikimet vetëm për datën 26 qershor  janë ambulantë 7 aplikime, hapësira publike 31 aplikime,

parkim 1 aplikim.