"Vallja e Fitores", arbëreshët rikthehen në Shkodër/Një natë e gjatë me këngë tradicionale dhe atmosferë festive

Arbëreshët u rikthyen sërish në tokën e të parëve të tyre për të nderuar betejat e fituara të Gjergj Kastriotit në atë që njihet si "Vallja e fitores". Shiu në Shkodër ndryshoi agjendën por jo atmosferën e festës.Ishte menduar që çdo gjë të niste me dorëzimin e çelësit të portës së kështjellës Rozafa por anullimi i saj përafroi festimet me këngë e valle tradicionale arbëreshe.Kanë kaluar qindra vite në Itali por arbëreshët vazhdojnë të ruajnë po njësoj traditat e parardhësve të tyre."Ne prej 555 vitesh nuk i kemi harruar asnjëherë nga i kemi rrënjët prandaj ruajmë gjuhën, zakonet e traditat e të parëve tanë dhe duam të jemi të pranishëm e të vizitojmë qytetet shqiptare sepse kjo për ne përfaqëson një lidhje të fortë zemre dhe gjaku që nuk ka për t'u zbehur asnjëherë."Ditën e sotme grupi i arbëreshëve vendosi në mënyrë simbolike pllakatën që përkujton Betejën e Drinit, një fitore e luftëtarëve të Skënderbeut ndaj ushtrisë veneciane. Ky është edicioni i V i "Vallja e fitores" teksa ky vit shënon 575-vjetorin e Betejës së Drinit si dhe 555-vjetorin e Betejës së Kirit.